Vestre designvernar alle nye produkt for å sikre dei mot etterlikningar
Vestre er ein innovativ møbelprodusent med stor respekt for rettane til designarane sine. Ingen skal få lov til å snylte på arbeidet til andre. Den mest effektive måten vi kan hindre ulovlege etterlikningar på, er å design- og varemerkeregistrere alle produkt.
Vestre er ein innovativ produsent av møblar for byar, parkar og offentlege uterom. I snart 70 år har firmaet vore med på å skape sosiale møteplassar for millionar av menneske. Produkta er produserte i Noreg og Sverige med materialar av første klasse og med ein gjennomgåande kvalitet som gir problemfri bruk i mange år framover.
Firmaet samarbeider med ei rekkje skandinaviske formgivarar, og har motteke ei lang rekkje designutmerkingar.
Vestre har design- og varemerkeverna store delar av kolleksjonen sin, og logoen og namnet til firmaet. Møbelprodusenten søkjer designvern for alle nye produkt og varemerkevern når det er mogeleg. Det har vist seg å vere ei god investering.
Vestre gjorde tidlegare søkjeprosessen og oppfølginga sjølv, men har dei seinare åra fått hjelp av eit konsulentfirma til dette.
