I Patentstyret skil vi mellom rettleiing og rådgjeving.

Med rettleiing meiner vi ei orientering om fagområda våre – patenter, varemerker og design - og kva som er særmerkt for dei ulike rettsområda. Patentstyret kan gje deg ei oversikt over kva moglegheiter som finst, kva som skal til for å søke om rettar og kva det eventuelt kan bety for deg og verksemda di.

Med rådgjeving meiner vi å gje konkrete framlegg om kva du skal eller bør gjere, eller hjelpe deg med ulike strategiar innanfor patent, varemerke eller design. Slik rådgjeving ligg utanfor oppdraget vårt som offentleg myndigheit. Om du ønskjer rådgjeving, bør du kontakte eit advokatfirma eller eit patentkontor. Desse er profesjonelle rådgjevarar som kjenner fagområdet og kan hjelpe deg med utnytting og handheving av immaterielle rettar.

Døme på kva vi ikkje kan hjelpe deg med:

• Utforme og skrive søknaden din - varemerkesøknad, patentsøknad eller designsøknad.
• Vurdere om noko kan patenterast eller registrerast som varemerke eller design. Dette vil du får svar på etter at du har levert inn ein søknad, eller om du ber om ei forundersøking.
• Gje råd om kva du skal gjere i ein konflikt med ein konkurrent.
• Vurdere det kommersielle potensialet av oppfinninga di eller produktet ditt
• Gje økonomisk hjelp. Sjekk for eksempel Innovasjon Noreg, Norges forskningsråd, Skattefunn, Starte og drive bedrift
• Tilrå ein særskild rådgjevar, fullmektig eller advokat. Sjå oversikta på iprhjelp.no.
• Hjelpe deg med å finne samarbeidspartnarar
• Gje konkrete råd om lisensiering eller overdraging av rettar. Les meir om lisensiering
• Registrere føretak eller føretaksnamn. Da må du vende deg til Brønnøysundregistera.