Frist for å søkje med prioritet
Viss du har levert inn ein varemerkesøknad i Noreg og vurderer å søkje i fleire land, er det ein fordel for deg om du søkjer i utlandet innan 6 månader frå den datoen du leverte inn varemerkesøknaden i Noreg.
Dette er grunna prioritetsregelen.
Prioritet er det omgrepet vi brukar for å oppgi kven som har best rett til å registrere varemerket.
Ein norsk varemerkesøknad har prioritet frå den dagen søknaden kom inn til Patentstyret. Viss du søkjer i andre land innan seks månader, kan du krevje å få behalde den same prioritetsdatoen som i den norske søknaden. Varemerket ditt vil da vere beskytta frå denne datoen, og ha prioritet føre et eventuelt liknande varemerke som er søkt registrert på ein senare dato.