Ikkje krenk andres rettar
Ei kjelde til slik informasjon er søkjetenesta vår. Her finn du ei oversikt over søkte og innvilga patent, varemerke og designregistreringar. Det kan gi god innsikt i kva område som allereie er godt dekte og der det dermed ikkje er så lett å utvikle nye løysingar. Du kan òg bruke denne informasjonen til å finne ut på kva område det er best potensiale for nyutvikling.
Er du på utkikk etter eit namn til verksemda eller det nye produktet, er det smart å sjekke at ingen allereie har registrert dette namnet som varemerke. Det er bortkasta å bruke tid og ressursar på noko som du ikkje kan komme ut i marknaden med utan at du krenkjer andres rettar.
Gir god oversikt
Ein av mange bedrifter som bruker denne søkjetenesta, er Bryn Aarflot. Dei er eit fullmektigkontor som bruker tenesta for å halde oversikt over søknader og registreringar dei gjer på vegner av kundar.
– Det er ein database som er enkel å bruke og lett å blant andrelaga oversiktlege rapportar frå, seier varemerke- og designadministrator Karin Fluto.
– Som varemerke- og designadministrator bruker eg søkjetenesta fleire gonger dagleg for å gjere oppslag i databasen over eksisterande varemerke og/eller designsøknader og -registreringar. Det kan vere sjekk av status, sjekk av registrerte opplysningar, sjekk om ei innmeld endring har funne stad etc.
Vi set opp varsel for å vere informert om status i saker vi jobbar med. Vi lagar òg porteføljeoversikter for kundane våre.Karin Fluto
Karin Fluto
For søkjetenesta har fleire funksjonar. Den kan mellom anna brukast til å finne andre som jobbar innanfor same område, eller potensielle samarbeidspartnarar innanfor eit prosjekt. Eller kan hende det er teknologi som er aktuelt å lisensiere for å vidareutvikle i eigne produkt? Lurar du på kva konkurrentane gjer? I søkjetenesta kan du òg finne ut om dei har søkt om patent, varemerke eller designregistrering.
For CEO i Veenner AS, Gwendoline Scarlett Mesembe, har dette vore til stor hjelp, og Mesembe fortel at selskapet ofte tek søkjetenesta i bruk.
– For oss er det bra å kunne bruke søkjetenesta for å sjå kva andre har verna. På den måten kan vi sjå om nokon jobbar med det same som oss, i tillegg til at vi får eit innblikk i sjansane for å få noko beskytta.
Gwendoline Scarlett Mesembe
Gwendoline Scarlett Mesembe
Du kan bli varsla når noko skjer
I søkjetenesta er det enkelt å setje opp eit varsel slik at du får ein e-post viss det skjer noko i ei sak, til dømes at eit patent blir godkjent eller eventuelt avslått. Det er òg mogleg å få vite kva for nokre nye søknader som kjem innanfor spesifikke varer eller tenester.
Viss du til dømes jobbar med utvikling av sykkelutstyr, så kan du få eit varsel når andre søkjer om rettar på det området.
