Personvernerklæring

Kva nettstader gjeld personvernerklæringa for? 

Erklæringa gjeld for Patentstyrets nettstader og digitale løysingar:

(www.patentstyret.no, search.patentstyret.no, services.patentstyret.no, guide.patentstyret.no, user.patentstyret.no, payment.patentstyret.no, account.patentstyret.no, statistics.patentstyret.no, tidende.patentstyret.no)

Kvifor behandlar vi personopplysningar? 

Vi behandlar personopplysningar med hjemmel i lov for å utføre følgjandeoppgavar:

• Handtere søknader, klagar og krav: Vi behandlar søknader og gir rettar til patent, varemerke og design i Noreg.
• Svare på spørsmål og handtere bestillingar: Vi gir raske og gode svar og leverer tenestene du har bede om.
• Forbetre tenestene våre: Vi brukar tilbakemeldingar og teknisk informasjon for å gjere nettsidene og sjølvbeteningsløysingane betre.
• Rekruttere medarbeidarar: Vi behandlar søknader og kommuniserer med søkjarar for å sikra ein god rekrutteringsprosess.

Vi behandlar også dine personopplysningar for andre oppgaver som hører under Patentstyrets verksemd. 

• Administrere kurs og nyheitsbrev: Vi handterer påmeldingar og sender relevant informasjon til dei som har meldt seg på.
• Drive marknadsføring: Vi informerer målgruppene våre gjennom relevante kampanjar.

Vi kan bruke tekniske verktøy med kunstig intelligens der det er relevant.

Kva er behandlingsgrunnlaget? 

Patentstyret har som oppgåve å registrere og publisere opplysningar om immaterielle rettar. Vi må offentleggjere opplysningar om rettar som er søkt om hos oss eller via internasjonale organisasjonar som EPO og WIPO.

Som hovudregel kan du ikkje reservere deg mot dette. Behandlinga skjer med grunnlag i lover som til dømes:

• Patentstyrelova
• Varemerkelova
• Patentlova
• Designlova
• Forvaltningslova
• Offentleglova
• Arkivlova
• Arbeidsmiljølova

I tillegg kan vi behandle opplysningar dersom:

• Du har gitt oss samtykke.
• Det er nødvendig for å oppfylle ein avtale med deg.
• Vi har ein berettiga interesse som veg tyngre enn omsynet til personvernet ditt.

Kven deler vi opplysningar med? 

Vi deler berre opplysningar når det er nødvendig og lovleg. Dette kan inkludere:

• Offentlege styresmakter: Ved lovpålagde krav kan vi vere forplikta til å utlevere opplysningar til offentlege styresmakter. 
• Databehandlarar: Vi nyttar eksterne leverandørar for å levere tenestene våre, til dømes HubSpot for nyheitsbrev og kurs, og Webcruiter for stillingsutlysingar. Desse leverandørane er databehandlarar og behandlar opplysningar på våre vegner i samsvar med databehandlaravtalar. 
• Internasjonale organisasjonar og utanlandske IP-kontor: Vi deler berre det vi er pliktige til å publisere offentleg. 

Kor lenge lagrar vi opplysningar? 

Vi lagrar opplysningar trygt og konfidensielt, med tilgangsstyring og sikring mot misbruk. Opplysningane blir lagra så lenge det er nødvendig for å oppfylle våre oppgåver og krav frå lovverket, som til dømes Arkivlova.

Bruk av våre digitale sjølvbeteningsløysingar 

Dei digitale løysingane våre gir deg informasjon om varemerke, patent og design. Du kan:

• Bestille betalte oppdrag
• Levere søknader
• Få varsel om saker
• Betale avgifter
• Få oversikt over søknadene og rettane dine

Tenestene er gratis, men for fleire av dei må du ha brukarkonto.

Innlogging

For å søkje om rett eller følgje opp ei sak, må du logge inn via ID-porten. For deg som ikkje kan nytta Altinn kan du oppretta en eigen konto hos Patentstyret.

Om du opprettar ein konto hos oss, kan du når som helst be om å få sletta denne. Loggar du på med ID-porten eller ein annan tredjepart, gjeld retningslinjene til denne tilbydaren. Vi lagrar ei lokal konto som er knytt til e-postadressa di, slik at du kan bruke tenester som lagring av søk og varsel.

Databehandlarar og tredjepartar 

Vi bruker tredjepartsløysingar for å vise innhald på nettsidene. Desse samlar informasjon om besøkstal og korleis brukarar nyttar innhaldet. Denne informasjonen brukar vi til å forbetre sidene våre, identifisere og rette feil, og til å forebyggje misbruk av innhaldet på sidene. 

For dei fleste av tenestene vil Patentstyret vere behandlingsansvarleg, og for nokre tenester vil vi ha delt behandlingsansvar med tredjepart. Nokre av tredjepartane behandlar personopplysningar på eigne vegner. I desse tilfella finn du vilkår i tredjeparten si personvernerklæring.

• Patentstyret brukar Google Analytics og HubSpot til webanalyse og statistikk om besøk til nettstaden. 
• Vi brukar skytenesten Highcharts  til å visualisere delar av dataa på sidene våre. 
• Vi brukar YouTube til å publisere videoar. 
• For arrangementa våre nyttar vi GoToWebinar til streaming. 
• Når du melder deg på nyheitsbrevet vårt, ber vi om e-postadressa di.Hubspot er databehandlar for nyheitsbrevet. 
• Utlyste stillingar vert publiserte og søknadsprosessen føregår via Webcruiter.  
• Patentstyret har profilsider på dei sosiale media LinkedIn, Facebook og Instagram. Her publiserer vi nyttig innhald, nyheiter, komande arrangement m.m. Du finner også lenker til desse profilsidene på nettsidene våre. Vi deler ikkje personopplysningane dine med sosiale media via desse lenkjene. 
• Når du melder deg på brukarpanelet vårt, ber me om e-postadressa di for at me skal kunna kontakta deg i samband med brukartesting av tenestene våre. Det er frivillig om du ønskjer å delta på brukartestar du får invitasjon til og du kan når som helst melda deg av brukarpanelet.
• Når du melder deg på eit av arrangementa våre, lagrar me opplysningar som e-post og telefonnummer for å kunna senda relevant informasjon om arrangementet (påminningar, lenkjar og evaluering), og dessutan invitasjonar til relaterte arrangement.
• Når du melder deg på nyheitsbrevet vårt, samlar me inn e-postadressa di for å kunna senda deg det spurde nyheitsbrevet. Samtykke må givast for påmeldinga, og dette dannar det juridiske grunnlaget for å behandla e-postadressa di. Du kan når som helst trekkja tilbake samtykket ved å bruka avmeldingslenkja nedst i nyheitsbrevet 

Informasjonskapslar 

Dine rettar 

• Rett til innsyn: Du kan be om å få innsyn i personopplysningane vi har om deg. 
• Rett til retting: Du kan be om å rette eller slette opplysningar som er feil. Mange av opplysningane kan du sjølv endra via innlogga løysingar.
• Rett til å trekkje samtykke: Du kan når som helst trekkje tilbake eit samtykke du har gitt. 
• Rett til å klage: Du kan klage til Datatilsynet dersom du meiner vi ikkje handterer opplysningane dine korrekt. 

Be om endring eller sletting av personopplysningar ved Patentstyrets personvernombod sikker@patentstyret.no.

Du kan klage på vår behandling av personopplysningar 

Vi håper du vil sei ifrå om du mener vi ikkje overholdar reglane i personopplysningsloven. 
Du kan også klaga over behandlinga vår av personopplysningar direkte til Datatilsynet.