IPR-forsikring - Rettstvistforsikring for immaterielle rettar

Mange verksemder vegrar seg for å registrere og verne sine immaterielle verdiar fordi dei veit at det kan vere kostnadskrevjande å forsvare og handheve dei. 

Særleg for små og mellomstore verksemder kan det vere viktig å skape finansiell jamlikskap overfor større verksemder som har kapasitet til å køyre langvarige rettslege prosessar. 

Formålet med IPR-forsikring er derfor å minimere dei kostnadene du kan få ved ein rettstvist om immaterielle rettar, og gjere det lettare for verksemda di å forsvare seg eller heva retten sin. 

Norske verksemder har høve til å teikne IP-forsikring hos fleire forsikringstilbydarar, både norske og utanlandske. Hos dei fleste forsikringstilbydarar kan du velje mellom «skreddarsydd» forsikring eller ein meir standardisert, ferdigutvikla forsikring. 

Du må be om tilbod hos dei aktuelle forsikringsleverandørane for å få nøyaktige prisar. 

IPR-forsikring er ein alminneleg forsikringsavtale mellom forsikringsselskapet og kunden. Patentstyret tilbyr ikkje forsikring, og har ingenting med desse forsikringsavtalane å gjere. Patentstyret har derfor heller ikkje ansvar for dei avtalane du inngår med forsikringsleverandøren. 

Vi har laga ei oversikt over private, kommersielle forsikringsleverandørar som tilbyr IPR-forsikring til norske kundar. Den omfattar berre dei tilbydarane som har bede Patentstyret om å stå oppført på lista. 

Vi gjer merksame på at lista er basert på tilbydarane sine eigne opplysningar. Patentstyret gjennomfører ikkje noka form for rangering eller kvalitetssikring av tilbydarane eller produkta deira. 

Noreg

Danmark

Söderberg & Partners 
Amaliegade 3,1. 1256 København K 
Tlf: +45 20 60 73 43 
Kontaktperson: Carsten Scharff Email 
: carsten.scharff@soderbergpartners.dk 

Sverige

Säkra  
AB BILLEPLATSEN5, 252 23 Helsingborg 
Tlf: +46 42 12 07 60 
Mobil: +46 709-206427 
Kontaktperson: Sigvard Åkerman 
E-post: sigvard.akerman@sakra.se 

Alle som tilbyr IP-forsikring, kan registrere seg og bli førte opp på lista. Bedriftene som er oppførte på lista er sjølv ansvarlege for informasjonen og for kvaliteten på tenestene dei tilbyr.