Om rekrutteringsprosessen

Når du søkjer er det viktig at du fortel noko om deg sjølv, kvifor du har lyst å jobbe hos oss og kva motivasjon du har for stillinga. Det er òg viktig at du legg ved relevante vitnemål og attestar til søknaden din. Alle som blir kalla inn til intervju blir bedne om å ta med originale vitnemål og attestar eller stadfesta kopiar.

Ta vare på stillingsutlysinga. Når søknadsfristen er gått ut, forsvinn utlysingsteksten frå nettet.

Straks du har søkt på ei stilling hos oss, får du ein e-post med stadfesting på at søknaden din er motteken. Etter at søknadsfristen er gått ut, vurderer vi alle søkjarar, før dei som er aktuelle for intervju blir kontakta.

Først når tilsetjingsprosessen er over, blir det sendt ut e-post om at stillinga er fylt og kven som har fått ho.

Vi lagar ei offentleg søkjarliste. Den gir informasjon om namn, kjønn, bustadkommune og alder på alle søkjarar på stillinga. Det er svært strenge krav for å sleppe å vere med på ei slik liste. Ønskjer du at namnet ditt ikkje skal stå på lista, må du krysse av og grunngi dette når du søkjer. Viss vi ikkje kan godta ønsket ditt, har du høve til å trekkje deg frå prosessen.

Alle søkjarar har rett til å be om å få sjå utvida søkjarliste. Den inneheld informasjon om namn, alder, utdanning og arbeidserfaring for alle søkjarane på stillinga. Det er ikkje mogleg å sleppe å stå på denne lista. Utvida søkjarliste blir berre gjord tilgjengeleg for søkjarar på stillinga.