Strategi for Patentstyret

Ein engasjert medspelar for auka innovasjon og verdiskaping.

Atlanterhavsveien slynger seg over øyer og skjær i et storslått kystlandskap under kveldshimmelen.

Samfunnsoppdraget vårt

Størst mogleg verdiskaping gjennom immaterielle verdiar

Immaterielle verdiar kan utgjere inntil 90 prosent av verdiane i ein verksemd. Korleis desse verdiane blir sikra og utvikla, slik at dei veks i verdi, handlar om å forvalte dei på ein klok og god måte.

Når dei immaterielle verdiane i ein organisasjon eller ei bedrift blir forvalta godt, aukar sannsynet for å lykkast med verdiskaping.

Samfunnsoppdraget vårt handlar derfor om å vere ein medspelar som legg til rette for størst mogleg samfunnsøkonomisk lønsam innovasjon og verdiskaping gjennom immaterielle rettar.

Vi skal gi flest mogleg gode rettar, gjennom avgjerder om patent, varemerke og design med rett kvalitet og høgast mogleg effektivitet. Vi skal òg føre eit offentleg register over slike rettar, tilby informasjons- og kompetansetenester og vere eit kompetansesenter for immaterielle rettar.

Visjonen vår

Gjer idear til verdiar

Banebrytande oppfinningar endrar kvardagen vår. Innovative behandlingar reddar liv. Ny teknologi bidreg til ei berekraftig framtid. Godt design løyser store og små problem. 

Sikringsutstyret som vernar deg, merka du vel i butikken, og seriane du elskar å sjå på – alt dette er døme på idear som er blitt til verdiar både for næringslivet og samfunnet, og som vi alle nyt godt av. Dette er verdiar vi må ta vare på og forvalte godt.

Vi bidreg til å gjere idear til verdiar.

Målbileta våre

Vi har tre målbilete som alle handlar om å skape verdiar. Desse tre måla gjev oss retning og hjelper oss med å prioritere. Kvart år evaluerer vi korleis vi blir oppfatta av kundar, samfunn, eigarar og medarbeidarar. Denne innsikta brukar vi til å stadig utvikle og forbetre oss.

Verdi for kundane – eit kundenært kompetansesenter

Person-i-rulletrapp-på-togstasjon.jpg

Dette inneber at

  • Vi forstår behova i næringslivet og leverer tenester som gir kundane auka konkurransekraft i marknadene deira.
  • Vi behandler saker med høg kvalitet, service og effektivitet.
  • Vi formidlar på ein effektiv og god måte kva betydning immaterielle rettar har for auka produktivitet og verdiskaping.

Verdi for samfunnet – ein engasjert medspelar i innovasjon og verdiskaping

Oppdrettsnalegg.jpg

Dette inneber at

  • Vi jobbar aktivt for at immaterielle rettar er godt kjende og blir brukte i innovasjon og næringsutvikling.
  • Vi er godt kjende som eit kompetansesenter som jobbar for betre bruk av immaterielle verdiar.
  • Vi bidreg til berekraftig utvikling i nærings- og samfunnslivet.

Verdi for medarbeidarane – ein attraktiv organisasjon og arbeidsplass 

Patentstyrets ansatte har idemyldring i prosjektsonen i Patentstyrets lokaler.

Dette inneber at

  • Vi styrkjer det inkluderande arbeidsmiljøet vårt og tilbyr ein fleksibel og variert arbeidskvardag med utviklingsmoglegheiter til alle.
  • Vi forsterkar kulturen vår, prega av openheit, læring og deling internt og eksternt.
  • Vi jobbar medvite med å bruke ressursane våre meir effektivt og berekraftig.

Kjerneverdiane våre styrer oss

Kjerneverdiane driv oss framover. Verdiane viser korleis vi skal vere. Dei pregar det daglege arbeidet og vala vi gjer.

  • Vi opptrer kompetent, etterretteleg og med høg integritet. 
  • Vi leverer IPR-tenester av høg kvalitet og til rett tid.

  • Vi lyttar til kundane og forstår behova deira.
  • Vi er tilgjengelege og snakkar og skriv slik at kunden forstår oss.

  • Vi tek initiativ og er proaktive.
  • Vi samarbeider og hjelper kvarandre.

  • Vi søkjer og utnyttar moglegheiter til forbetring.
  • Vi tilpassar oss endringar.

Sentrale utviklingstrekk formar oss

Det er særleg tre utviklingstrekk som formar korleis vi skal oppfylle samfunnsoppdraget.

Vi må utvikle oss i tråd med samfunnet. Vi må fange opp behov, forstå og respondere stadig raskare. Det vi gjer i dag, er ikkje nødvendigvis godt nok i morgon. For å møte auka forventingar frå eigarar, kundar, medarbeidarar, interessentar og samfunnet, må vi utvikle oss som organisasjon og som menneske.

Vi lever i ei digitaliseringsbølgje som har enorm påverknad på oss. Når omverda tek i bruk ny teknologi og utviklar nye tenester i høgt tempo, skaper det også forventingar til oss. Vi skal tilby relevante og sikre tenester som effektivt løyser problemet til kundane. For å skape meir verdi til kundar, samfunn og medarbeidarar, vil vi investere betydeleg meir i digital teneste- og kompetanseutvikling.

Noreg er i grøn omstilling, og vi må utvikle gjeldande næringsliv og skape nye vekstnæringar, som vi kan leve av framover. Regjeringa har sett som mål å auke eksporten utanom olje og gass med 50 % innan 2030. Vi skal også redusere klimagassutsleppet med minst 55 % innan 2030. Desse måla er viktige for oss i Patentstyret. Vi skal bli opplevde som ein kompetent medspelar i det grøne skiftet.

Vi skal vere gode på å forstå behovet til næringslivet og levere tenester som hjelper norsk næringsliv med å lukkast i eksportmarknaden og med innovasjonar som gir til ei meir berekraftig utvikling.

Fant du det du lette etter?

Din tilbakemelding hjelper oss med forbedringer!

Aktuelt

Les flere nyheter