Framleis behandling trass i fristoversitjing
Viss du har gløymt å overhalde ein bestemd frist, og det har ført til at du har tapt ein søknad eller ein kunngjord/registrert rett, kan du søkje om å få søknaden eller retten din gjenoppretta. Dette blei tidlegare kalla oppreising.
For kva typar av fristoversitjingar gjeld dette?
Døme på typar av fristoversitjingar der tilgangen til framleis behandling gjeld:
- betaling av årsavgifter og fornyingar
- oversittelse av gjenopptakingsfristen
- frist for å betale gjenopptakingsavgift
- frist for å levere klage til Klagenemnda for industrielle rettar
- frist for å betale gebyr for krav om framleis behandling
- frist for å validere eit EP-patent
- frist for å betale valideringsgebyr for EP-patent
- frist for å føre vidare ein PCT-søknad til nasjonal fase
- frist for å betale søknadsgebyr PCT (og dessutan gebyr for utsett omsetjingsfrist)
- gjenoppretting av prioritet i patentsaker
- frist for å svare på Patentstyrets brev
Slik leverer du eit krav om framleis behandling
Send ein skriftleg søknad med krav om dette til Patentstyret og utfør den handlinga som er årsak til fristoversitjinga, til dømes å betale eller svare på eit brev frå oss.
Du kan bruke skjemaet "Krav og klagar til Patentstyret og KFIR" i Altinn.
Frist for å levere krav om framleis behandling
Søknaden må vere motteken av Patentstyret seinast innan to (2) månader etter at du eller fullmektigen din blei klar over fristoversitjinga.
Viss saka di gjeld eit patent eller ein patentsøknad, må vi ha fått kravet ditt uansett seinast tolv (12) månader etter at den aktuelle fristen gjekk ut.
Gjeld fristoversitjinga varemerke, må vi ha fått kravet ditt uansett seinast seks (6) månader etter utløpet av den aktuelle fristen.
Gjeld fristoversitjinga design, må vi ha fått kravet ditt uansett seinast fire (4) månader etter utløpet av den aktuelle fristen.
Innan dei same fristane må du òg gjere det du skulle ha gjort innan den opphavlege fristen. Det kan til dømes vere å betale avgifta som manglar, eller å svare på brevet vårt.
Har du gløymt å betale ei avgift eller eit gebyr?
Viss den unnlatte handlinga er å betale ei avgift eller eit gebyr til Patentstyret, og moglegheita for betaling gjennom handlevogna i søkjetenesta vår har falle bort, må du betale direkte til Patentstyrets kontonummer: 8276.01.00192.
NB: Hugs å oppgi søknadsnummeret eller rettsnummeret for saka di når du betaler.
Slik grunngir du kravet ditt
Du må gi ei konkret forklaring på årsaka til fristoversitjinga.
Du må forklare kvifor oversittelsen av fristen ikkje var medviten. Det treng ikkje å vere gi ei lang og utfyllande forklaring, men det er ikkje tilstrekkeleg å opplyse at du har ein intensjon om å halde fram saksbehandlinga eller behalde retten.
Kva skjer etter at vi har fått kravet ditt?
Vi sjekkar om kravet er levert tidsnok, det vil seie innan to månader etter at du blei merksam på at fristen var gått over.
Vi kontrollerer òg at du innan den same fristen har gjennomført den unnlatte handlinga, til dømes å svare på brevet vårt eller betale avgiftene som manglar.
Viss du har gjort dette innan fristen, sender vi ein faktura på eit gebyr for behandlinga av kravet ditt.
Fakturaen har éin månads betalingsfrist.
Når gebyret er betalt, startar vi behandlinga av kravet ditt.
Kva kostar det?
Gebyret for behandling krav om gjenoppretting av saker utgjer:
- kr 3000 for patentsaker
- kr 2 750 for varemerkesaker
- kr 2 800 for designsaker
Har du spørsmål?
Kontakt kundesenteret vårt på tlf. + 47 22 38 73 00.