Om fristane våre

Viss du ikkje betaler eller svarer innan fristen, vil søknaden bli lagd bort. Ein søknad kan bli lagd bort både på grunn av manglande betaling og viss du ikkje svarer.

Viss du ser at du ikkje rekk å svare på uttalen vår med vurdering av søknaden din innan fristen vi har gitt deg, kan du be om fristforlenging. Det må du gjere innan utgangen av den opphavlege fristen. 

For patent gjeld dette: 

Du får automatisk fristforlenging på to (2) månader utan at vi gir deg tilbakemelding, så du må sjølv følgje med på den utsette fristen.

Du kan få automatisk fristforlenging to (2) gonger for éin søknad. Viss vi ikkje kan gi deg fristforlenging vil du få beskjed frå oss. 

I heilt ekstraordinære tilfelle blir fristforlengingar gitt når det ligg føre «særlege grunnar». 

NB: Det er viktig å merke seg at moglegheita for fristforlengingar ikkje gjeld brev der vi ber om at du rettar formelle manglar ved levering. 

Sjølv om du ikkje rakk fristen, er det mogleg å be oss om å halde fram behandlinga av søknaden. Då må du rette manglar og be om gjenopptaking av søknadsbehandlinga innan ein bestemd frist.

For patentsøknader er fristen for å gjere dette fire (4) månader frå den opphavlege fristen. 

For varemerke- og designsøknader er fristen to (2) månader frå den opphavlege fristen.

Vi fakturerer då ei fastsett avgift for gjenopptaking for kvar bortlegging. Når avgifta er betalt, tek vi opp att søknaden din til vidare behandling.

Viss du har gløymt å overhalde ein bestemd frist, og det har ført til at du har tapt ein søknad eller ein kunngjord/registrert rett, kan du søkje om å få søknaden eller retten din gjenoppretta.