Klageordningar
Det finst ulike klageinstansar og ulike prosedyrar avhengig av kva du ønskjer å klage på og kvar du er i prosessen. Her finn du ei oversikt.
Publisert: 14. mars 2024
Sist endret: 09. september 2024
Kva klagar behandlar Patentstyret?
Er du usamd i Patentstyrets avgjerder om patent, design og varemerke, er Patentstyret rett mottakar. Vi behandlar òg klagar over registrering av føretaksnamn.
Kva klagar kan Patentstyret ikkje behandle?
Patentstyret behandlar ikkje klagar som gjeld marknadsføringsloven, registrerte domenenamn eller planteforedlerretter, men nedanfor kan du lese litt om kven som er rett mottakar for desse klagane.
Kvar klagar du viss nokon misbruker retten din?
Du kan ta direkte kontakt med dei du meiner krenkjer retten din og vise til eineretten din. Alternativt kan du ta kontakt med ein IP-rådgivar eller ein advokat for å få hjelp.
Du finn tips om korleis du kan stoppe piratkopiering på nettsida velgekte.no.
Patentstyrets klageordningar
Oversikt over klagemoglegheiter i dei ulike fasane av saksbehandlinga.
- Klageordningar varemerke
- Klageordningar patent
- Klageordningar design
- Klage på føretaksnamn Her finn du informasjon om saksgangen, formelle krav, rollene, ansvaret og oppgåvene til partane, og Patentstyrets oppgåver.
- Klage på dei kollektive forvaltningsorganisasjonane som forvaltar opphavsrett og nærståande rettar Patentstyret er tilsynsmakt for forvaltningsorganisasjonar som forvaltar opphavsrett og nærståande rettar på vegner av rettshavarar. Her kan du lese om klagemoglegheiter på dette området
Klageordningar utanfor Patentstyret
- Klageordning domenenamn på norid.no Viss du oppdagar at nokon utan å ha rett til det, har registrert eit domenenamn som liknar på varemerket ditt eller namnet på bedrifta di, kan du klage til Domeneklagenemnda.
- Klageordning etter marknadsføringslova på konkurranseutvalget.no Næringslivets Konkurranseutvalg (NKU) uttaler seg i tvistar mellom næringsdrivande der spørsmålet er om ei konkret marknadsføring er i strid med marknadsføringsloven.
- Tvistar om arbeidstakaroppfinningar på meklingsnemnda.no Meklingsnemnda for arbeidstakaroppfinningar meklar i tvistar mellom arbeidstakar og arbeidsgivar. Meklingsnemnda prøver å få til ei minneleg løysing mellom partane.
- Klage i saker om planteforedlerrett Klage i saker om planteforedlerrett skal sendast til Plantesortsnemnda.