Mange matvarer er eit resultat av lange tradisjonar, høg kunnskap og råvarer dyrka under svært gunstige vokstervilkår. Dette er med på å gi produkta unik smak og karakteristikk.

Etter mønster frå EU-landa er det i Noreg høve til å registrere beskytta nemningar for norske landbruksbaserte næringsmiddel, fisk og fiskevarer.

Eksempel
Det er forbode å bruke geografiske nemningar for vin og brennevin som ikkje kjem frå vedkomande geografiske område. Eit eksempel på dette er champagne. Det er ikkje lov å bruke nemninga «champagne» for musserande vin, med mindre den er produsert i Champagne-området i Frankrike.

Stiftelsen Norsk Mat
Merkeordninga blir administrert av Mattilsynet gjennom Stilftelsen Norsk Mat (tidlegare Matmerk). Ordninga gir moglegheit til å beskytte produktnemningar for denne typen varer viss dei har ein spesiell geografisk tilhøyring, tradisjon og særeigne kvalitetar.

Du finn meir informasjon på desse nettstadene:

• Stiftelsen Norsk Mat
• www.beskyttedebetegnelser.no/